Нэвтрэх

НИЙТЛЭГ ҮНДЭСЛЭЛ

Энэхүү нөхцөл нь www.redpoint.mn (цаашид веб сайт гэх) болон Red Point Mongolia Application (цаашид гар утасны аппликейшн гэх) ашиглах, урамшууллын бараа бүтээгдэхүүн, үйлчилгээг худалдан авалт хийж хүлээн авахтай холбоотой үүсэх харилцааг зохицуулна.

1. Энэхүү нөхцөл нь хэрэглэгч (Red Point урамшууллын хөтөлбөрт албан ёсны бүртгэлтэй хэрэглэгчийг цаашид Хэрэглэгч гэх) веб сайт болон гар утасны аппликейшнд бүртгүүлэх, каталогоос худалдан авалт хийж хүлээн авахаас өмнө уншиж танилцан, хүлээн зөвшөөрч баталгаажуулсны үндсэн дээр хэрэгжинэ.
2. Энэхүү нөхцөлийн хэрэгжилтэд “Red Point” хөтөлбөрийг хэрэгжүүлэгч “Монгол Айдия Групп” ХХК /цаашид Компани гэх/ болон Хэрэглэгч хамтран хяналт тавина.

НЭГ. Талуудын эрх, үүрэг

Компани дараах эрх, үүрэгтэй байна:

1. Энэхүү веб сайт, гар утасны аппликейшн нь хэрэглэгчдэд компанийн мэдээллийг өгөх болон интернетээр худалдаа явуулах зорилготой байнгын ажиллагаатай веб сайт, гар утасны аппликейшн байна.
2. Веб сайт, гар утасны аппликейшний хөтлөлт, түүний аюулгүй байдал, хэрэглэгчдийн мэдээллийн нууцлалыг Компани бүрэн хариуцна.
3. Компани веб сайт болон гар утасны аппликейшний мэдээллийн шинэчлэл, үнийн өөрчлөлт, хөнгөлөлт, урамшуулал болон шинэ үйлчилгээний талаарх мэдээллийн үнэн зөвийг бүрэн хариуцна.
4. Хэрэглэгчийн мэдээллийн бүрэн, аюулгүй, үнэн зөв байдлыг компани цаг тухай бүрт хянаж шалгаж байна. Хэрэглэгчийн оруулсан мэдээллийг зөвхөн хэрэглэгчтэй байгуулсан тусгай нөхцөлөөр буюу хэрэглэгчийн хүсэлтэд хариулах, үйлчилгээнд шинэчлэл хийхэд анхааруулах болон хэрэглэгчтэй холбоо барихад ашиглана.
5. Компани нь эрх бүхий хууль хяналтын байгууллагын албан ёсны шаардлагаас бусад ямар ч нөхцөлд мэдээллийн нууцыг бусдад дамжуулахгүй чандлан хадгална.
6. Компани нь каталог дахь бараа бүтээгдэхүүн, үйлчилгээний үнийг ханшийн хэлбэлзэл, нийлүүлэгч байгууллагын үнэ болон бусад холбоотой зүйлсээс шалтгаалан сар тутам шинэчлэх эрхтэй ба энэ тухайгаа хэрэглэгчид мэдэгдэх үүрэг хүлээхгүй болно.

Хэрэглэгч дараах эрх, үүрэгтэй байна:

1. Энэхүү веб сайт, гар утасны аппликейшн нь Компанийн өмч бөгөөд лого, нэр бусад загварыг хуулах, олшруулах, дуурайх, өөр бусад аливаа байдлаар ашиглахыг хориглоно.
2. Хэрэглэгч гуравдагч этгээдэд нэвтрэх нэр, нууц үгээ дамжуулахгүй байх, бүртгэлээсээ гарч браузерээ хаах, аппликейшнээр нэвтрэн орсон үедээ гар утсаа хэн нэгэнд дамжуулахгүй байх замаар өөрийн мэдээллийн аюулгүй байдлыг өөрөө бүрэн хариуцна. Алдсанаас үүсэх хохирлыг Компани хариуцахгүй болно.
3. Хэрэглэгч өөрийн сайн дураар веб сайт болон гар утасны аппликейшнд хувийн мэдээллийг бүртгүүлнэ.
4. Хэрэглэгч өөрийн оруулсан мэдээллийн үнэн зөв, бодит байдалд бүрэн хариуцлага хүлээнэ.

ХОЁР. Хэрэглэх журам

1. Хэрэглэгч вебсайт болон гар утасны аппликейшнд бүртгүүлж гишүүн болсноор өөрийн онлайн дансны Red Point-ийг удирдах (үлдэгдэл шалгах, хуулга харах, Red Point худалдаж авах, шилжүүлэх, хүлээн авах), урамшууллын бараа бүтээгдэхүүн, үйлчилгээ худалдан авах эрхтэй болно.
2. Хэрэглэгч веб сайт болон гар утасны аппликейшн ашиглан гишүүнээр бүртгүүлэхийн тулд өөрийн утасны дугаар, и-мэйл хаяг, банкны картын дугаарыг оруулна.
3. Хэрэглэгч бүртгүүлсний дараа баталгаажуулалт хийснээр албан ёсны гишүүн болно.
4. Хэрэглэгч и-мэйл хаягаар гишүүн болох эрхтэй. Нэг и-мэйл хаягийг нэгээс олон хэрэглэгч ашиглан гишүүн болох боломжгүй.
5. Веб сайт болон гар утасны аппликейшнээр хэрэглэгч бүртгүүлэн гишүүн болсноор онлайн данс үүснэ.
6. Хэрэглэгч энэхүү үйлчилгээний журамд заасан үүргээ зөрчсөн эсвэл дараах зөрчлийг гаргасан тохиолдолд Компани тухайн хэрэглэгчийн дансыг хааж, шаардлагатай бол Эрүүгийн хуульд заасан хариуцлага хүлээлгэхээр хууль хяналтын байгууллагаар шалгуулах ба учирсан хохирлыг нөхөн төлүүлнэ:
   1. Вебсайт болон гар утасны аппликейшнд буруу эсвэл худал мэдээлэл оруулах;
   2. Өөрийн бүртгэлгүй картыг ашигласан;
   3. Өөрийн худалдан авалттай холбоогүй оноог аливаа байдлаар оруулсан;
   4. Бусад байдлаар Компанийг хуурч мэхлэх, залилахыг оролдсон аливаа үйлдэл гаргасан бол.
7. Red Point хөтөлбөрийн НӨАТ-ын урамшууллын сугалааны (НӨАТУС) баримтыг зөвхөн хувь хүнд гаргана. Петровисийн нэрийн шатахууны картаар төлбөр хийгдсэн эсвэл байгууллагын худалдан авалтад НӨАТУС олгохгүй бөгөөд Red Point орохгүй болно.

ГУРАВ. RedPoint онооны систем

1. Хэрэглэгчийн оноо цуглуулахдаа:
   • Петровисийн шатахуун түгээх станцын бэлэн болон бэлэн бус худалдан авалтын 100 төгрөг тутамд 1 RedPoint
   • Петромартын бэлэн бус гүйлгээний 100 төгрөг тутамд 1 RedPoint
   • ХасБанкны карт эзэмшигчид Red Point цуглуулах боломжтой тэмдэг бүхий тэмдэглэгээтэй ХасБанкны ПОС төхөөрөмжид картаа уншуулж худалдан авалт хийсэн үнийн дүнгийн 1%-тай тэнцэх RedPoint
2. Веб сайт болон гар утасны аппликейшн дээр банкны картаа бүртгүүлснээр тухайн картын худалдан авалтын Red Point автоматаар орох ба хянах боломжтой болно.
3. Red Point нь худалдан авалт хийснээс хойш 24-72 цагийн дотор Red Point хэрэглэгчийн дансанд орно.
4. Red Point хэрэглэгчийн дансанд орсон өдрөөс хойш 24 сарын хугацаанд хүчинтэй байна. 24 сарын хугацаа нь дууссан Red Point хэрэглэгчийн данснаас автоматаар хасагдана.
5. Бүртгэлтгүй картаар худалдан авалт хийхэд Red Point орохгүй.
6. Хэрэглэгч цуглуулсан хүрэлцээт RedPoint-оор урамшууллын бараа бүтээгдэхүүн, үйлчилгээ худалдан авалт хийх боломжтой.
7. Хэрэглэгчийн Red Point нь худалдан авах бараа бүтээгдэхүүн, үйлчилгээг авахад хүрэлцэхгүй тохиолдолд үлдэгдэл Red Point-оо мөнгөөр болон Сandy-р худалдан авах боломжтой.
   1 Red Point = 2 төгрөг
8. Хэрвээ хэрэглэгч хөдөө орон нутгаас банкны карт ашиглан худалдан авалт хийсэн бол заавал баримт дээрх 10 оронтой Red Point кодыг бүртгүүлснээр оноо орно.
9. Хэрэглэгч хоорондоо Red Point илгээх, хүлээн авах боломжтой.

ДӨРӨВ. Интернет худалдаа

1. Компани веб сайт болон гар утасны аппликейшнээр дамжуулан урамшууллын бараа бүтээгдэхүүн, үйлчилгээг худалдаална.

ТАВ. Төлбөр тооцоо

1. Веб сайт болон гар утасны аппликейшнээр худалдаалах бараа бүтээгдэхүүн, үйлчилгээний үнэ болон хийгдэх төлбөр тооцоо нь Монгол Улсын мөнгөн тэмдэгт “төгрөг”-өөр болон худалдан авагчийн цуглуулсан “Red Point”-оор хийгдэнэ.
2. Хэрэглэгч вебсайт болон гар утасны аппликейшнээс худалдан авалт хийхдээ 100% төлбөрөө төлсөн байна.

ЗУРГАА. Бараа бүтээгдэхүүн, үйлчилгээ хүлээн авалт

1. Хэрэглэгч худалдан авсан бараа бүтээгдэхүүн, үйлчилгээгээ Компанийн зарласан цэгүүдээс очиж өөрийн биеэр хүлээн авна.
2. Бараа бүтээгдэхүүн, үйлчилгээгээ хүлээн авахдаа аппликейшн болон веб сайт дээр худалдан авсан барааныхаа бар код эсвэл бар кодын доор харгалзах 10 орон бүхий кодыг шалгуулан бараагаа хүлээн авна.

ДОЛОО. Бусад зүйл

1. Үйлчилгээний нөхцөлд Компани өөрчлөлт оруулах эрхтэй бөгөөд хэрэглэгч үйлчилгээний нөхцөлийн хамгийн сүүлийн хувилбарыг уншиж танилцаж байх үүрэгтэй ба танилцаагүй байх нь хожмын хариуцлагаас чөлөөлөх үндэслэл болохгүй.
2. Хэрэглэгчийн мэдээлэл болон төлбөрийн талаар ямар нэгэн асуудал эсвэл тодруулах зүйл гарвал веб сайт болон гар утасны аппликейшний “санал хүсэлт” хэсэг эсвэл Лавлах утас 11-31-80-20 дугаарт холбогдон асуудлуудаа шийдүүлнэ.
3. Хэрэглэгчийн лавлах төв нь зөвхөн ажлын цагаар ажиллах ба хэрэглэгч санал хүсэлтээ цахимаар илгээх боломжтой бөгөөд ирүүлсэн хүсэлтэд ажлын 48 цагийн дотор шийдвэрийг хүргүүлнэ.
4. Хэрэглэгчээс ирүүлсэн гарсан гомдол, маргаантай асуудлыг веб сайт, гар утасны аппликейшнийн үйлчилгээний нөхцөл, нууцлалын баталгаа болон Монгол Улсын хууль тогтоомжийн дагуу шийдвэрлэнэ.